Te Kura Māori o Porirua – Hei māngai mō Ngāti Toa Rangatira

Kua tūwhera te tatau o Te Rūnanga o Toa Rangatira (TRoTR) ki ngā tono a te iwi, e kimi atu ana i tētehi māngai ā-iwi hei kanohi kitea i te poari o Te Kura Māori o Porirua (Te Rōpū Kaitiaki).

He kāhui motuhake Te Rōpū Kaitiaki ka kōwhiria e ngā mātua o te kura ia toru tau ka hipa, tāpiri atu ana ki tēnei kāhui ko te māngai ā-iwi o Ngāti Toa ka kōwhiria e te poari o TRoTR.

Ko ngā haepapa nui a Te Rōpū Kaitiaki ko ngā whakahaere o te kura.

E rua ngā hui ka whakaritea mā te poari i ngā wāhanga o te kura ki te āta matapaki i ngā kaupapa o te wā.

 Ko tētehi takohanga matua o te poari, he mahitahi ki te Tumuaki me ngā kaimahi o te kura ki te waihanga i ngā taura here e hāngai ana ki ngā kaupapa whānui o te kura (taura here; mahi kāinga, hauora, marautanga).

 Tirohanga matawhānui

-        He wahapū, he māia ngā tauira o te kura ki te kōrero i te reo Māori me te reo pākeha

-        He kaitātaki, he kaiārahi rātou e tū pakari ana i tō rātou āo Māori, ōtira ki ngā hau e whā o te ao whānui.

-        He tauira ngākaunui, he tauira ngākau hihiri.

-        Kua whai pūkenga rātou ki te whai atu i ngā ara e wawatatia ana e rātou, kia eke ki ngā taumata o angitū.

 He tūranga taiutu tēnei.

Whakapā mai

Nā reira, e karanga atu ana ki a ngākau whakapuke e hiahia ana ki te tūranga nei, tukuna mai tāu tono me ngā taunakitanga ki tēnei īmera: lynda@ngatitoa.iwi.nz